365తెలుగుడాట్ కామ్ ఆన్ లైన్ న్యూస్,ఖమ్మం, ఫిబ్రవరి 7,2023: ఖమ్మం కార్పొరేషన్ పరిధిలోని16వ డివిజన్ దంసలాపురంలో శ్రీతిరుపతమ్మ – గోపయ్య స్వామి వార్ల కల్యాణ మహోత్సవం అత్యంత వైభవంగా జరిగింది.
దేవస్థాన వ్యవస్థాపకులు కీ”శే కణతాల అచ్చయ్య స్వామి వారి కుమారుడు కణతాల నరసింహరావు ఆధ్వర్యంలో స్వామివార్ల కళ్యాణం కన్నుల పండుగగా జరిగింది.
ఈ కార్యక్రమానికి తెలంగాణరాష్ట్ర రవాణా శాఖ మంత్రి పువ్వాడ అజయ్ కుమార్, ఖమ్మం నగర మేయర్ పునుకొల్లు నీరజ, సుడా చైర్మన్ బచ్చు విజయ్ కుమార్ లు కల్యాణ మహోత్సవంలో పాల్గొని తిరుపతమ్మ అమ్మవారి కల్యాణ మహోత్సవాన్ని తిలకించారు.
అనంతరం పురోహితుల నుంచి ఆశీర్వాచనాలు తీసుకున్నారు. ఈ కల్యాణ మహోత్సవ కార్యక్రమానికి ఖమ్మం నగరంతోపాటు చుట్టు పక్కల గ్రామాల నుంచి భక్తులు పెద్ద సంఖ్యలో తరలివచ్చి అమ్మవారి కల్యాణం తిలకించారు.
ఈసందర్భంగా భక్తులకు దాతల సహకారంతో దేవస్థానం నిర్వాహకులు అన్నదానం నిర్వహించారు. స్థానిక కార్పొరేటర్ మేడారపు వెంకటేశ్వర్లు , బండారు నర్సయ్య, పొన్నం పుల్లయ్య, మండదపు బ్రహ్మారెడ్డి, మందడపు ప్రసాద రెడ్డి, సత్యాల మధు అమ్మవారికి పట్టు వస్త్రాలు సమర్పించారు.