365తెలుగు డాట్ కామ్ ఆన్ లైన్ న్యూస్, ఢిల్లీ, మార్చి2,2023: మైక్రోసాఫ్ట్ సహ వ్యవస్థాపకుడు బిల్ గేట్స్ బుధవారం ఢిల్లీలో కేంద్ర ఆరోగ్య శాఖ మంత్రి మన్సుఖ్ మాండవియాను కలిశారు.
కరోనా మేనేజ్‌మెంట్, వ్యాక్సినేషన్ ,ఆయుష్మాన్ భారత్ డిజిటల్ మిషన్ వంటి భారతదేశ డిజిటల్ ఆరోగ్య కార్యక్రమాలను బిల్ గేట్స్ అభినందించారని ఆరోగ్య మంత్రి ట్వీట్ చేశారు.
మేము G20, PM భారతీయ జనౌషధి పరియోజన , ఇ-సంజీవనిలో భారతదేశ ఆరోగ్య ప్రాధాన్యతల గురించి చర్చించామని ఆయన వెల్లడించారు.
భారత్‌లో అత్యుత్తమ డిజిటల్ నెట్వర్క్ ఉందని, భారతదేశం చౌకైన 5G మార్కెట్ అవుతుందని బిల్ గేట్స్ అన్నారు.
బుధవారం భారత జి20 అధ్యక్షతన ‘బిల్డింగ్‌ రెసిలెంట్‌ అండ్‌ ఇన్‌క్లూజివ్‌ ఎకానమీస్‌ – ది వాగ్లీ ఆఫ్‌ డిజిటల్ పబ్లిక్‌ ఇన్‌ఫ్రాస్ట్రక్చర్‌’ సెషన్‌లో ఆయన మాట్లాడుతూ..భారత్‌లో పటిష్టమైన డిజిటల్ నెట్వర్క్ ఉందని, స్మార్ట్‌ఫోన్‌లను ఉపయోగించే వారి శాతం చాలా ఎక్కువగా ఉందని అన్నారు.
ఈ సందర్భంగా టెలికాం, ఇన్ఫర్మేషన్ టెక్నాలజీ మంత్రి అశ్విని వైష్ణవ్ 2023ని చారిత్రాత్మక సంవత్సరంగా అభివర్ణించారు. డిజిటల్ టెక్నాలజీ ఇప్పుడు పరిణతి చెందిందని అన్నారు.
మైక్రోసాఫ్ట్ సహ వ్యవస్థాపకుడు బిల్ గేట్స్ బుధవారం టాటా సన్స్ ఛైర్మన్ ఎమిరిటస్ రతన్ టాటా, టాటా సన్స్ ఛైర్మన్ నటరాజన్ చంద్రశేఖరన్‌లను కలిశారు. టాటా, గేట్స్ ఇద్దరూ తమ దాతృత్వ సేవలతో ప్రపంచవ్యాప్తంగా ప్రసిద్ధి చెందారు.
ఈ సమావేశంలో ఆరోగ్యం, రోగనిర్ధారణ, పోషకాహార రంగాలలో తమ ఉమ్మడి ప్రయత్నాలను బలోపేతం చేయడం గురించి వారు సుదీర్ఘంగా చర్చించారు. ఈ విషయాన్ని గేట్స్ ఫౌండేషన్ ఇండియా ట్వీట్‌లో ధృవీకరించింది.
గేట్స్ ఫౌండేషన్ ఇండియా ట్వీట్ చేస్తూ, “మా కో-ఛైర్మన్ , వ్యవస్థాపకుడు బిల్ గేట్స్ రతన్ టాటా ఎన్ చంద్రశేఖరన్‌లతో వారి తరపున వారు తీసుకుంటున్న దాతృత్వ కార్యక్రమాలపై చర్చలు జరిపారు. ఆరోగ్యం, వైద్యం, పోషకాహారం కోసం కలిసి పనిచేయడానికి మేము ఎదురుచూస్తున్నాము. ” అని ట్వీట్ చేశారు.